News

[English Below]

သဘာဝတ်ဝန်းကျင်ထိန်းသိမ်းကာကွယ်ရေးနှင့် ပတ်ဝန်းကျင်သန့်ရှင်းရေး အတွက် အသိပညာမြှင့်တင်ပေးရေးလုပ်ဆောင်ချက်များနှင့်အညီ ရန်ကုန်အပြည်ပြည်ဆိုင်ရာလေဆိပ် International Terminal ရှိ သန့်စင်ခန်းများတွင် အသုံးပြုရန်ထားရှိသော တစ်ရှူးစက္ကူများအစား လက်ကို လျင်မြန်စွာ ခြောက်သွေ့စေသော အလို အလျောက်လေမှုတ်စက် ၃၂ ခုကို ပထမဆုံးအသုတ်အနေဖြင့် စတင်အစားထိုးတပ်ဆင်အသုံးပြုလိုက်ပါသည်။

[English Below]

China Eastern Airlines ၏ ဝူဟန် (Wuhan) - ရန်ကုန် ခရီးစဉ်သစ်ကို မေလ ၃၀ ရက်နေ့မှ စတင်၍ အပတ်စဉ် ကြာသပတေးနေ့တိုင်း ပြေးဆွဲပျံသန်းသွားမည်ဖြစ်ပါသည်။
China Eastern Airlines ၏ ခရီးစဉ်သစ်တိုးချဲ့ပြေးဆွဲပျံသန်းမှုအတွက် ရန်ကုန်အပြည်ပြည်ဆိုင်ရာလေဆိပ်မှ ဂုဏ်ယူဝမ်း မြောက်အပ်ပါသည်။

[English Below]

Yangon Aerodrome Company Limited (YACL) သည် အရည်အချင်းပြည့်ဝသော လူငယ်များအား လေ့ကျင့်ပျိုးထောင်ပေးလျက် ရှိသော ကုမ္ပဏီ၏ YACL internship program များအရ ယနေ့တွင် အရည်အချင်းရှိ ကျောင်းသူကျောင်းသား ခြောက်ဦးအား internship ပြီးဆုံးခြင်းလက်မှတ်များ ပေးအပ်ခဲ့ပါသည်။

[English Below]

ရန်ကုန်အပြည်ပြည်ဆိုင်ရာလေဆိပ်အတွင်း ဘေးအန္တရာယ် ကင်းရှင်းရေး၊ လုံခြုံရေးနှင့် လုပ်ငန်းလည်ပတ်မှုအဆင်ပြေ ချောမွေ့စေရေးအတွက် ရည်ရွယ်၍ YACL မှ မေလ၃ ရက်နေ့နှင့် ၁၀ ရက်နေ့များတွင် Foreign Object Debris (FOD) campaign လှုပ်ရှားမှုကို ဆောင်ရွက်ပြီးစီးခဲ့ပါသည်။

[English Below]

မေလ ၈ ရက်နေ့ ညနေခင်းကဖြစ်ပွားခဲ့သော ရန်ကုန်အပြည်ပြည်ဆိုင်ရာ လေဆိပ်သို့ ဆင်းသက်လာသည့် Biman Bangladesh လေကြောင်းလိုင်း (“Biman Airlines”) မှ လေယာဉ်တစ်စီး လေယာဉ်ပြေးလမ်းချော်မှုဖြစ်စဉ်အပေါ် Yangon Aerodrome Company Limited (“YACL”) မှ နောက်ဆက်တွဲသ တင်းထုတ်ပြန်ချက် ထုတ်ပြန်ကြေညာလိုပါသည်။ Bombardier Dash 8 - Q400 လေယာဉ်အမျိုးအစားသည် မေလ ၈ ရက် ၁၈း၅၁ အချိန်တွင် ရန်ကုန်အပြည်ပြည်ဆိုင်ရာလေဆိပ်၌ ဆင်းသက်ချိန်အတွင်း မိုးသည်းထန်စွာ ရွာသွန်းမှုနှင့် မြင်ကွင်းများ မပြတ်သားမှုကြောင့် လေယာဉ်ပြေးလမ်းမှ ချော်ထွက်မှုဖြစ်ပွားခဲ့ပါသည်။

အဆိုပါလေယာဉ်တွင် လိုက်ပါစီးနင်းလာသော ကလေးတစ်ဦးအပါအဝင် ခရီးသည်နှင့် လေယာဉ်ဝန်ထမ်းစုစုပေါင်း ၃၅ ဦးကို ဖြစ်စဉ်ဖြစ်ပွားရာနေရာမှ အမြန်ဆုံးထွက်ခွာစေပြီး လိုအပ်သော ကျန်းမာရေးစောင့်ရှောက်မှုနှင့် ကူညီထောက်ပံ့မှု အသီးသီးကို သက်ဆိုင်ရာအာဏာပိုင်များနှင့် တာဝန်ရှိသူများမှ ချက်ချင်းစီစဉ်ဆောင်ရွက်ပေးပြီး ဖြစ်ပါသည်။ မေလ ၉ ရက် ညနေ ခြောက်နာရီအချိန်အထိ အသေးစားထိခိုက်ဒဏ်ရာများရရှိထားသော ခရီးသည် ၁၅ ဦးနှင့် လေယာဉ်ဝန် ထမ်း ၅ ဦးသည် ဆေးရုံတွင် ဆေးကုသမှုများ ခံယူလျက်ရှိပါသည်။